top
Fernandu Santuş: İslandiya və Ukrayna matçlarına hazırlıq, rəqib təhlili və qələbə ümidi Sport24.az
Bu gün, 12:44
- +

Fernandu Santuş: İslandiya və Ukrayna matçlarına hazırlıq, rəqib təhlili və qələbə ümidi

Azərbaycan milli komandasının DÇ-2026-nın seçmə mərhələsinin İslandiya və Ukrayna ilə matçlarından öncə baş məşqçi Fernandu Santuşun mətbuat konfransı keçirilib. Sport24.az xəbər verir ki, mütəxəssis media nümayəndələrinin suallarını cavablandırıb:

 

- Legioner limitinin ləğvinə ən çox etiraz etməli olan şəxs siz idiz. İndi peşman deyilsiz ki?

- Öncə, "Qarabağ"ı təbrik etmək istəyirəm. Çempionlar Liqasının liqa mərhələsinə vəsiqə qazanıblar. Düşünürəm ki, bu, "Qarabağ" üçün çox vacib nəticədir. Başda Qurban Qurbanov olmaqla, "Qarabağ"ın bütün oyunçularını təbrik edirəm. Əlbəttə ki, bu uğur Azərbaycan üçün böyük nailiyyətdir. Avropa bir müddət "Qarabağ" və Azərbaycan haqda danışacaq. Sizin suala gəldikdə, o elə məsələdir ki, mənə aidiyyatı yoxdur. Mən sadəcə olaraq baş məşqçiyəm, öz işimə köklənirəm. Qalan məsələlər barədə Azərbaycan futbolundakı rəhbərlər qərar verir.

 

- Kapitan Bədavi Hüseynov yoxdur. Rza Cəfərov və Aydın Bayramov isə bu mövsüm oynamayıb. Başqa seçiminiz yox idi?

- Əlbəttə ki, rəqabətdə çıxış etməyən oyunçu məni narahat edə bilər. Baş məşqçi olaraq istəyərəm ki, bütün oyunçuların davamlı oyun praktikası olsun. Amma bu hazırkı reallıqdır. Bu ssenari ilə davam edib, işləməliyik. Çalışacağıq ki, əlimizdə olan materialla yaxşı hazırlaşaq və qarşıdakı matçlarda yaxşı nəticələr əldə edək. İstəyərəm ki, bütün dəvət edilənlər davamlı oynasınlar. Analizlər edirik, oyunları izləyirik. Bədavini çox istəyirəm, ona böyük hörmətim var. Oynamadığı üçün bu toplanışa dəvət almır. Amma bu, o demək deyil ki, onun üzərindən xətt çəkmişəm. Qarşıdakı matçlarda onu görə bilərik.

 

- Yaxşı nəticəyə ümid etdiyinizi dediniz. Qarşıdakı iki matçda sizin üçün yaxşı nəticə nədir?

- Futboldur, hər bir nəticə gözlənilə bilər. Amma son yoldaşlıq görüşləri və ondan öncəki  toplanışlardan deyə bilərəm ki, oyunçular çox istəklidirlər. Yaxşı məşqlər edirlər. O da mənə ümid verir ki, istədiyimiz nəticələri əldə edə bilərik. Mən, futbolçular, Azərbaycan xalqı, hamımız qələbə gözləyirik.

 

- Legioner limitinin ləğvi ilə bağlı sizinlə məsləhət etdilər? Şəxsi fikriniz necədir?

- Bayaq cavab verdim. 

 

- Mehdi Cənnətovun milliyə dəvət edilməməsi nə ilə bağlıdır?

- Dəvət ala bilməzdi. Çünki pasportla bağlı problemləri var. Eyni qaydada Vüsal İsgəndərli də pasport problemi yaşayır.

 

- İlk mətbuat konfansınızda demişdiz ki, Yunanıstan futbolunda etdiklərimizi burada etmək istəyirik. Amma indi deyirsiz ki, mən baş məşqçiyəm, verilən qərarlar AFFA rəhbərliyinindir...

- Legioner limiti mənə aid olan məsələ deyil. Bu bir təhlildir. Bir ölkəni o biri ilə müqayisə etmək olmaz. Portuqaliyada legioner limiti yoxdur, 11 legioner çıxış edə bilər. Amma çox sayda oyunçular var ki, xaricdə oynayırlar. Ölkələri müqayisə edə bilmərik. Hər bir ölkə düşünməlidir ki, hansı addım ölkə futbola kömək ola bilər.

 

- "Qarabağ"ın Çempionlar Liqasında əsas mərhələyə yüksəlməsi haqda fikriniz necədir? 

- Sözsüz ki, asan olmayacaq. Rəqiblər aydındır. "Qarabağ" layiqli şəkildə buralara çıxıb. Ən yaxşısını edəcəklər ki, ən yaxşı şəkildə ölkəni təmsil etsinlər. Neçə xal barədə heç nə deyə bilmərəm. 

 

- İslandiya və Ukrayna ilə bağlı fikirləriniz necədir?

- Asan oyunlar deyil. İslandiya uzun müddətdir ki, eyni oyunçularla birlikdə çıxış edir. Bütün futbolçular ölkə xaricində oynayırlar. Çox təcrübəli və keyfiyyətli oyunçulardır. Elə komandadır ki, arxadan hücumların qurulmasını çox yaxşı bacarırlar, çox yaxşı təşkil olunmuş hücumları var. Topsuz oyunda çox aqressiv çıxış edirlər, çalışırlar ki, top itirilən kimi geri qazansınlar. Köməkçilərimlə birlikdə İslandiya millisinin oyunlarına baxmışıq, təhlil etmişik. Əlbəttə ki, təhlil edəndə onların güclü nöqtələrini ortaya çıxarmışıq. Hücumda güclüdürlər. Zəif nöqtələrini də bilirik. Komandamızı bu oyuna yaxşı hazırlayacağıq. Rəqibimiz 4-2-3-1 sxemi ilə oynayır. Hücumda olanda 4-3-3 çıxış edirlər, onların oyun dinamikasını təhlil etmişik. İntensiv komandadır, buna baxmayaraq, çox yaxşı oyun olacaq. Yaxşı da hazırlaşacağıq. Ukrayna millisi də çox güclü rəqibdir. İslanidya və Ukraynanı müqayisə etsək, islandlar 4-2-3-1 sxemi ilə oynayır. Ukrayna millisində isə bir dayaq yarımmüdafiəçisi, önündə də 2 hücumameyilli oyunçu ilə çıxış edirlər.  Bizim üzərimizə düşən hər iki komandanı yaxşı təhlil edib, oyunçulara çatdırmaqdır. Bu iki oyundan biri səfərdədir, uzun səfər olacaq. Qərar vermişik ki, İslandiyaya daha erkən yollanaq, ora yerləşək, uyğunlaşaq. Uzun səfər olduğu üçün bu da oyunçulara necəsə təsir göstərə bilər. Aramızda 4 saatlıq fərq var. Ümumi qeydlər var ki, bu cür uzun səfərdən sonra oyunçu bir gün özünə gəlsin. Buna görə qərar verildi ki, ora daha tez uçaq. Ondan sonra da artıq evdə oynayacağıq. Azarkeşlərin dəstəyinə güvənirik. Ümid edirik ki, bizi dəstəkləyəcəklər. Bu, vacib amildir. Rəqibin güclü və ya zəif olmasına baxmayaraq, komanda hər oyuna yalnız qələbə üçün çıxır.

 

- Milli komandanın uğursuzluqlarına görə sərt tənqidlər var. Bunu necə qarşılayırsız?

- 40 ildir baş məşqçi kimi çalışıram (gülür).

Qarabağ FK

Son xəbərlər

Minifutbol
Bu gün, 14:20

"Araz-Naxçıvan"ın gənc futzalçısı Ədalət Ələkbərov Çempionlar Liqası təəssüratlarını bölüş&d&uuml

Futbol
Bu gün, 14:20

Akanji "Milan"a keçə bilər, "Qalatasaray" variantı baş tutmadı

Futbol
Bu gün, 14:18

"Neftçi" "Turan Tovuz"la qarşılaşır: Məğlubiyyətsizlik seriyası davam edəcəkmi?

Futbol
Bu gün, 14:02

Renat Dadaşov "Uypeşt"ə keçə bilər

Futbol
Bu gün, 14:00

Avrokubok Həftəsində Azərbaycan UEFA Reytinqində "5-lik"də

Cüdo
Bu gün, 13:45

Zeyd Ələsgərov: Dünya Çempionatında bürünc medal və gələcək hədəflər - MÜSAHİBƏ

Futbol
Bu gün, 13:40

Cəlal Hüseynovun komandası Konfrans Liqasında mübarizəni dayandırdı

Minifutbol
Bu gün, 13:30

Ədalət Ələkbərov: "Araz-Naxçıvan" Çempionlar Liqasında növbəti mərhələyə yüksəlmək üçün əlindən gələni edəcək

Futbol
Bu gün, 13:22

"Zaqatala" klubu 3 futbolçusu ilə müqavilə müddətini uzadıb

Futbol
Bu gün, 13:16

"Tottenhem" Xavi Simonsun transferinə razılıq verib

Futbol
Bu gün, 13:16

"Qarabağ"ın Çempionlar Liqası yolu: Şanslar, rəqiblər və strategiyalar

Cüdo
Bu gün, 13:01

Yeniyetmə cüdoçular arasında Dünya Çempionatı: Azərbaycanlı idmançılar mübarizəni dayandırdılar

Futbol
Bu gün, 13:00

"Qalatasaray" Nqolo Kante ilə maraqlanır

Cüdo
Bu gün, 12:56

Yeniyetmə cüdoçularımızın Dünya Çempionatında üçüncü günü uğursuz olub

Futbol
Bu gün, 12:55

"Karvan-Yevlax"ın futbolçusu Samuel Durrant Şri Lanka millisinə dəvət alıb

Futbol
Bu gün, 12:50

"Sumqayıt" Santuşun Cənnətovun pasportu ilə bağlı iddiasına cavab verdi

Futbol
Bu gün, 12:37

Çempionlar Liqası: Debütantlar, Rekordlar və Maraqlı Faktlar

Futbol
Bu gün, 12:22

"Sumqayıt" - "Şamaxı": Qarşılaşma öncəsi

Futbol
Bu gün, 12:19

Arne Slot Çempionlar Liqasında "Qarabağ"la oyundan danışıb

Futbol
Bu gün, 12:06

Avropa Liqası və Konfrans Liqasının debütant komandaları

Minifutbol
Bu gün, 12:06

"Araz-Naxçıvan": Çempionlar Liqasında Məqsəd Növbəti Mərhələyə Yüksəlməkdir

Futbol
Bu gün, 12:00

"Çelsi" "Qarabağ"dan Aleksey Kaşuku seçdi

Futbol
Bu gün, 11:41

"Fənərbaxça" Joze Mourinyo ilə yollarını ayırdı

Oxşar xəbərlər