Idman.biz
Futbol üzrə Azərbaycan milli komandasının baş məşqçisi Fernandu Santuş hesab edir ki, İslandiyaya sarsıdıcı məğlubiyyətə görə təkcə o deyil, futbolçular da cəzalandırılmalıdır.
İdman.biz-in Reykyavikdən verdiyi xəbərə görə, bu barədə portuqaliyalı mütəxəssis oyundan sonrakı mətbuat konfransında bildirib.
"Futbolda məşqçini günahlandırmaq asandır. Düşünürəm ki, hər kəs cəzalandırılmalıdır - həm məşqçi, həm də futbolçular günahkardır. Ümid edirəm ki, mən və futbolçular növbəti matçda daha yaxşı oynayacağıq", - Santuş deyib.
Xatırladaq ki, Azərbaycan millisi DÇ-2026-nın seçmə mərhələsinin startında İslandiyada 0:5 hesabı ilə darmadağın olub. Yığma növbəti oyununu sentyabrın 9-da Bakıda Ukraynaya qarşı keçirəcək.
İdman.biz
