Idman.biz
Azərbaycan millisinin baş məşqçisi Fernandu Santuş Portuqaliya yığmasının və İngiltərənin "Liverpul" klubunun futbolçusu Dioqo Jortanın ölümünə münasibət bildirib.
İdman.biz xəbər verir ki, portuqaliyalı mütəxəssis bu barədə "A BOLA" portalına açıqlama verib.
Santuş Jortanı ilk növbədə ləyaqətli insan kimi xatırladığını bildirib: "Jorta dünyanın ən yaxşılarından olan Kriştianu Ronaldonun kölgəsində qaldı, lakin o, həmişə milli komandada öz yerini tapdı. Xəbəri eşidəndə şokda idim. O, 22 yaşında mənim rəhbərliyim altında debüt edib. Mən indi yalnız onun üçün çox dua edə bilərəm. Onun ailəsi haqqında düşünürəm".
Potruqaliya millisinin sabiq baş məşqçisi "böyük oyunçu" adlandırdığı Dioqunu hər şeydən əvvəl "əla insanı" kimi xarakterizə edib: "Belə vaxtlarda futbolçu haqqında danışmaq çətindir. O, həmişə öz yerini bilən idi, ləyaqətli insan idi".
Qeyd edək ki, Dioqo Jota ötən gün İspaniyada baş verən avtomobil qəzasında 28 yaşında həlak olub. Onunla birlikdə avtomobildə olan 26 yaşlı qardaşı Andre də həyatını itirib.
İdman.biz
