Sport24.az
"Komanda hazırda yaxşı oyun sərgiləyir. Yığmaya görə yaranan fasilədən sonra azarkeşlər, futbol ictimaiyyəti daha güclü "Turan Tovuz" görəcək". Bu sözləri Sport24.az- a açıqlamasında Fərid Yusifli deyib.
Bir müddət əvvəl "Neftçi"ni Qərb təmsilçisinə dəyişən futbolçu hələ tam formada olmadığını da bildirib: "İki həftəyə yaxındı yeni klubun düşərgəsindəyəm. Hələlik performansım məni qane etmir. Üzərimdə çox çalışıb əsas heyət oyunçusuna çevrilmək istəyirəm".
Qeyd edək ki, Premyer Liqanın V turunun açılış matçında "Turan Tovuz" "doğma divarlar" arasında "Səbail"i 1:0 hesabı ilə məğlub edib.
