İdman.biz
"Belə yarışların keçirilməsi uşaq futbolunun inkişafı üçün çox vacibdir"
İdman.biz xəbər verir ki, bunu Gənclər və idman naziri Fərid Qayıbov Quba şəhərində 12 yaşadək futbolçular arasında keçirilən "Ulduz Cup" beynəlxalq turnirinin açılış mərasimində jurnalistlərə açıqlamasında deyib.
Nazir bu cür yarışların keçirilməsində təkcə nazirliyin deyil, futbol klublarının da iştirak etməsinin zəruriliyini bildirib. Qubanın idman paytaxtı olduğunu xatırladan Fərid Qayıbov burada idmanın inkişafı üçün dövlət tərəfindən möhtəşəm bir şəraitin yaradıldığını vurğulayıb: "Quba Olimpiya Kompleksi yenidən qurulub. Kompleksdə müxtəlif idman növləri üzrə komandalar həm təlim-məşq toplanışları keçirir, həmçinin beynəlxalq idman yarışları təşkil olunur. Çox sevindirici haldır ki, bu ildən Qubanın liqada öz komandası olacaq. Onlara uğurlu çıxışlar arzulayıram".
Aytac Sahəd
İdman.biz
