Sport24.az
"Çətin oyun olacağını biilirdik. Adətən xal və qola həsrət komandalar daha təhlükəli və aqressiv olur. Bu üzdən "Kəpəz"in meydana istəkli çıxacağı gözlənilən idi. Biz də qələbəyə ac idik. Şükürlər olsun ki, sonadək mübarizə aparıb qalib gəldik". Bu sözləri Sport24.az-a açıqlamasında "Səbail"in üzvü Fərid Nəbiyev deyib.
Matçda vurulan ilk qolun müəllifi qalib gəldikləri oyunu şərh edib: "Üç tur idi qələbə qazana bilmirdik, ona görə ilk dəqiqələrdən xoşbəxtliyi rəqibin qapısı önündə axtarmağa başladıq. Erkən qol vurmağımız işimizə yaradı. Bu komandaya əlavə motivasiya verdi və matçın gedişatında fərqi daha da artırdıq. Bugünkü oyunda həm komandamın, həm də mövsümdə ilk qolumu vurmağıma görə şadam. Əsas mənim fərqlənməyim yox, komandamın qalib gəlməsidi. Qarşıma bombardir olmaq məqsədi qoymamışam. Çox istərdim ki, "Səbail"ə qələbə gətirən qollar vurum".
Qeyd edək ki, Premyer Liqanın IV turunun açılış oyununda "Səbail" öz meydanında "Kəpəz"i 4:0 hesabı ilə məğlub edib.
ABDULLA İSMAYILOĞLU
