Idman.biz
Fərid Nəbiyevin "Sumqayıt"a keçidi baş tutmayıb.
İdman.biz Sportinfo.az-a istinadən xəbər verir ki, "Səbail"dən ayrılan yarımmüdafiəçi maliyyə məsələlərinə görə fərqli seçim edib.
Fərid sumqayıtlılarla ilkin razılıq əldə etmiş və aylıq 5 min manata 1 illik müqaviləni razılaşdırmışdı. Lakin imza ərəfəsində ortaya çıxan yeni variant vəziyyəti dəyişib.
Vaxtilə Çexiyada "Slaviya"nın formasını geyinmiş "Qəbələ"nin yetirməsi təkrar Premyer Liqaya, özü də tanı şməkana üz tutub. O, bu gün "Kəpəz"lə sövdələşib.
Halbuki I Liqaya yüksələn "Şəfa"nın Nəbiyevin fikrini dəyişdirdiyi söylənilirdi. Qeyd olunurdu ki, Premyer Liqaya yüksəlməyi hədəfləyən sözügedən klub 8 min manat maaş təklif etməklə yarımmüdafiəçini düşərgəsinə qatıb. Lakin Fərid karyerasını və elitanı puldan üstün tutub və 2 il əvvəl ayrıldığı Gəncə klubunda yolunu davam etdirəcək.
İdman.biz
