Sport24.az
"Şamaxı" ilə oyuna həftəboyu yaxşı hazırlaşmışdıq. Çalışdıq baş məşqçimizin verdiyi tapşırıqları yerinə yetirək. Şükür ki, komanda olaraq qələbə qazanmağı bacardıq". Bu sözləri Sport24.az-a açıqlamasında "Kəpəz"in futbolçusu Fərid Nəbiyev deyib.
26 yaşlı yarımmüdafiəçi komandasının Misli Premyer Liqasının 8-ci turunda "Şamaxı" ilə matç haqda fikirlərini bölüşüb:
"İstəməzdik qələbə həsrətimiz 8 tur davam etsin. Futbolda bəzən "qara-zolağ"a düşəndə çıxmaq çətin olur. Qalib gələcəyimizə inanırdıq. Özümüzə güvənirik. İndi bunun ardını gətirmək lazımdır. Oyunda iki qol vurdum. Mənim üçün əsas komandamın uğurlu çıxış etməsidir. Qələbədə payım oldusa, nə xoş mənə. İnşallah, bunun davamını gətirərəm. Azər müəllim özümüzə inanmalı olduğumuzu hər dəfə bildirir. Baş məşqçimiz komandaya özünəinamı qaytarıb. Bunun bəhrəsini gələcək oyunlarda görəcəyik".
Qeyd edək ki, "Şamaxı" - "Kəpəz" matçı qonaqların 1:4 hesablı qələbəsi ilə başa çatıb.
