Idman.biz
Hazırda "Şamaxı"nın əvəzedici komandasında çalışan Fərid Namazovun əsas hədəfi "Pro" lisenziyası əldə etməkdir.
İdman.biz xəbər verir ki, gənc məşqçi bu barədə Futbolinfo.az saytına açıqlama verib.
Namazov bildirib ki, "Şamaxı"nın əvəzedicilərində çalışmasının əsas səbəbi məhz məşqçilik kursudur: "Şamaxı"nın əvəzedicilərində olmağım sırf "Pro" lisenziyası üçündür. Kurs gələn ilin iyun ayına kimi davam edəcək. Qiymətlər sonda bilinəcək. Şükürlər olsun, hər şey qaydasındadır. Hər gün yeni nələrsə öyrənirik".
O, yenidən baş məşqçi kimi fəaliyyət göstərmək istədiyini də vurğulayıb: "Hansısa bir klubda yenidən baş məşqçi kimi fəaliyyət göstərmək istəyərəm. Bu, "İmişli" də ola bilər, digərləri də. Açığı, təkliflər oldu, amma tələsik harasa getmək istəmədim. Hələlik bir az kənara çəkilib, daha da inkişaf etməyi üstün tuturam".
İdman.biz
