Sport24.az
"Milli komandamız Estoniyanı səfərdə məğlub edə bilər. Slovakiya isə ciddi rəqibdir. Doğma meydanda oynamağımız üstünlükdür. Millimizin heyətində güclü futbolçularımız var. Düşünürəm onlardan xal və ya xallar ala bilərik. Yığmamız iki qarşılaşmadan minimum 4 xal toplaya bilər". Bu sözləri Sport24.az-a açıqlamasında millimizin sabiq üzvü Fərhad Vəliyev deyib.
Vəliyev Fernandu Santuşun qarşıdakı oyunlarda hansı qapıçıya şans verməli olduğunu açıqlayıb: "Çərçivəni Mehdi Cənnətov qorumalıdı. Son oyunlarda sabit çıxış edir. Dəvət olunan qapçılardan ən uğurlu seçim Mehdi Cənnətovdur".
Qeyd edək ki, Azərbaycan yığması UEFA Millətlər Liqasında oktyabrın 11-də Estoniya və 14-də Slovakiya ilə qarşılaşacaq.
