Sport24.az
"Düşərgəyə dəvət alan hər üç qapıçı bu gün üçün milliyə layiqdir". Bu sözləri Sport24.az-a açıqlamasında Fərhad Vəliyev bildirib.
Fernandu Santuş qarşıdakı iki oyun üçün Şahrudin Məhəmmədəliyev, Aydın Bayramov, Rza Cəfərovu millinin düşərgıəsinə dəvət edib. Maraqlıdır, görəsən portuqaliyalı mütəxəssis Belarus və Haiti ilə görüşlərdə "çərçivə"də kimə şans verəcək?
"Zirə"nin qapıçılar üzrə məşqçisi, millinin sabiq üzvü bu məsələdə Şahruddinin daha şanslı olduğunu vurğulayıb:
"Hər üç qolkiper qapıda dayanmağa layiqdir. Təbii ki, son qərarı məşqçilər heyəti verəcək. Şahruddin uzun müddət yığmadan kənarda qalsa da, həmkarlarından bir qədər təcrübəlidir. Firimcə, əsas heyətdə Məhəmmədəliyev olacaq".
Qeyd edək ki, Fernandu Santuşun rəhbərlik etdiyi milli martın 22-də Sumqayıtda Haiti, 25-də isə Masazırda Belarus yığması ilə qarşılaşacaq.
