Sport24.az
"Fənərbaxça" yarımmüdafiəçi Matvey Kislyakın transferi üçün ÇSKA-ya rəsmi təklif göndərib. Sport24.az xəbər verir ki, bu barədə türkiyəli jurnalist Ersan Serdal sosial şəbəkə hesabında paylaşım edib.
Onun sözlərinə görə, İstanbul klubu 19 yaşlı rusiyalının transferini 12 milyon avro və 2 milyon bonus qarşılığında rəsmiləşdirmək istəyir.
Qeyd edək ki, Kislyak ordu klubunun yetirməsidir. Yarımmüdafiəçi 2024/25 mövsümündə CSKA-nın heyətində 33 matçda 4 qol vurub və 1 məhsuldar ötürmə edib. Onun Moskva klubu ilə müqaviləsi 2028-ci ilin yayında başa çatır.
