Idman.biz
Türkiyənin "Fənərbağça" klubu N"Qolo Kantenin transferini rəsmiləşdirmək üçün səylərini davam etdirir.
İdman.Biz xəbər verir ki, sarı-lacivərtlilər fransız yarımmüdafiəçi ilə bütün şəxsi şərtlərdə razılıq əldə etsə də, danışıqlarda əsas maneə Səudiyyə Ərəbistanının "Əl-İttihad" klubunun tələb etdiyi transfer haqqıdır.
Türkiyə mətbuatının yazdığına görə, Ər-Riyad təmsilçisi Kante üçün 15 milyon avro (təxminən 30 milyon AZN) tələb edir.
Məlumata əsasən, "Fənərbağça" bu məbləği ödəmək niyyətində deyil. Klub 2,5 il + 1 il uzatmaq hüququ şərti ilə müqavilə bağlamağa razılaşdığı futbolçunun mövcud müqaviləsinin cəmi 6 ay sonra başa çatmasını əsas arqument kimi irəli sürür.
Bildirilir ki, "Fənərbağça" transferin yekunlaşması üçün birbaşa Kantenin özündən dəstək istəyib və futbolçunun "Əl-İttihad"a təzyiq göstərməsi gözlənilir. Hazırda tərəflər arasında danışıqlar davam edir və prosesin yaxın günlərdə aydınlaşacağı istisna edilmir.
