Report.az
Şotlandiyanın "Reyncers" futbol komandasının azarkeşi İstanbulda vəfat edib.
"Report" xəbər verir ki, bu barədə klubun mətbuat xidməti məlumat yayıb.
Fanatın yol-nəqliyyat hadisəsi zamanı öldüyü bildirilib.
"Reyncers" bu faciəvi hadisə ilə bağlı həm Türkiyə, həm də Britaniya hakimiyyəti ilə daim əlaqədə olduqlarını diqqətə çatdırıb.
Qeyd edək ki, komanda bu gün UEFA Avropa Liqasının 1/8 final mərhələsində Türkiyə təmsilçisi "Fənərbağça" ilə üz-üzə gələcək. Qarşılaşma Bakı vaxtı ilə saat 21:45-də start götürəcək.
