Idman.biz
İstanbulun "Fənərbağça" komandası orta sahəni gücləndirmək üçün "Latsio"nun futbolçusu Matteo Genduzi rəsmi təklif göndərib.
İdman.Biz xəbər verir ki, mövsümün ikinci yarısında heyətini möhkəmləndirmək istəyən "Fənərbağça" transfer çalışmalarını sürətlə davam etdirir.
Klub Kristofer Nkunku, Ademola Lookman və Alexander Sörlot kimi oyunçularla yanaşı orta sahəyə də alternativlər axtarır.
İtaliya mətbuatında yayılan xəbərlərə görə, "Fənərbağça" "Latsio"da çıxış edən 26 yaşlı fransız yarımmüdafiəçi Matteo Genduzi üçün rəsmi təklif təqdim edib.
Genduzi 2024-cü ildə Marseldən "Latsio"ya keçib və 109 oyunda 6 qol, 10 asistlə yadda qalıb. Onun 2028-ci ilə qədər müqaviləsi mövcuddur.
Matteo Genduzi üçün "Latsio"ya təqdim olunan məbləğ 14 milyon avrodur (təxminən 24 milyon AZN) və bu təklif klubun orta sahə transfer siyasətində əhəmiyyətli addım sayılır.
