Idman.biz
Türkiyənin "Fənərbağça" klubu "Atalanta"da çıxış edən Ademola Lookmanı heyətinə qatmaq üçün rəsmi təklif irəli sürüb.
İdman.Biz xəbər verir ki, transfer çalışmalarını davam etdirən "Fənərbağça" nigeriyalı futbolçu üçün təklifin detallarını açıqlayıb.
Klub "Atalanta"ya 5 milyon avro (10 milon AZN) icarə haqqı və 37 milyon avroluq (74 milyon AZN) satınalma hüququ ilə təklif göndərib. Bildirilir ki, İtaliya klubu satınalma hüququnun məcburi olub-olmaması və ümumi məbləğ üzərində danışıqlar aparmağı planlaşdırır.
Məlumata görə, "Atalanta"nın əsas istəyi Lookmanı birbaşa transferlə satmaqdır və nigeriyalı futbolçu da bu məsələni klubu ilə ayrıca müzakirə edəcək.
28 yaşlı oyunçu bu mövsüm 16 matçda meydana çıxıb, üç qol vurub və bir məhsuldar ötürmə edib. Bazar dəyəri 35 milyon avro olan Lookmanın "Atalanta" ilə müqaviləsi 2027-ci ilə qədər qüvvədədir.
