Sport24.az
Azərbaycan Kubokunun 1/4 final mərhələsinin "Zirə" ilə cavab oyunu "Araz-Naxçıvan"ın futbolçusu Felipe Santos üçün əlamətdar olub. Sport24.az xəbər verir ki, braziliyalı hücumçu cari mövsüm bu turnirin yubiley qoluna imza atıb.
3-cü dəqiqədə penaltidən fərqlənərək adını tabloya yazdıran forvard ölkə kubokunda 120-ci qolun müəllifidir. 45-ci dəqiqədə də 11 metrlik cərinə zərbəsini dəqiq yerinə yetirən Santos yarışda 121-ci qolu da vurub. Hələlik turnirin sonuncu - 122-ci qolu isə "Neftçi"nin hücumçusu Bassala Sambunun aktivinə yazılıb.
Qeyd edək ki, qarşılaşma "Araz-Naxçıvan"ın 2:0 hesablı qələbəsi ilə bitib. İlk görüşdə də qalib gələn (1:0) naxçıvanlılar yarımfinalda "Qarabağ"a rəqib olub.
