Lent.az
Klublararası dünya çempionatı yayın ortasında, xüsusilə məşqçilər arasında mübahisə dalğasına səbəb olan gərgin mövsümdən dərhal sonra keçirilir.
Səbəblər çoxdur: istidən və çətin uçuşlardan tutmuş, minimal istirahətlə getdikcə daha çox oyun keçirməli olan futbolçuların xroniki yorğunluğuna qədər.
Lent.az xarici mediaya istinadla məlumat verir ki, bunun bariz nümunəsi Federiko Valverdedir. Uruqvaylı "Real"ın əsas oyunçusudur və demək olar ki, heç bir oyunu buraxmır, tam 90 dəqiqə oynayır.
PSJ ilə yarımfinalda o, tarixi rekorda imza atıb - o, bu mövsüm klubda 65-ci oyununu keçirib ki, bu da XXI əsrdə yüksək liqaların futbolçuları arasında mütləq maksimumdur.
Əvvəllər rekord Manuel Xurado, Xuan Mata, Oskar və Fernando Torresə məxsus idi - onların hər biri 64 oyunluq nəticədə dayanmışdı.
Əşrəf Hakimi də klub və milli komanda (Olimpiadalar daxil olmaqla) üçün 68 oyunla inanılmaz gərgin bir mövsüm keçirir. Bununla belə, Valverdedən fərqli olaraq, onun sayına beynəlxalq turnirlər daxildir və buna görə də bir qədər fərqli hesablanır. "Real"ın yarımmüdafiəçisi qlobal oyunçu yorğunluğu fonunda yalnız klub səviyyəsində rekorda imza atıb.
