Idman.biz
Federiko Valverde 2024/25 mövsümündə "Real Madrid"in heyətində rəsmi turnirlərdə 65 oyunda iştirak edərək XXI əsrdə Avropa klubları arasında bir mövsümdə ən çox matç keçirən futbolçu olub.
İdman.biz xəbər verir ki, 64 oyundan ibarət əvvəlki rekord üç futbolçuya - Xose Xurado, Oskar və Fernando Torresə məxsus olub.
Valverde bu oyunlardan 62-də start heyətində yer alıb, 3 dəfə isə əvəzetmədən meydana daxil olub.
"Real" mövsüm ərzində ümumilikdə 68 oyun keçirib və uruqvaylı yarımmüdafiəçi yalnız 3 görüşü buraxıb.
"Kral klubu"nun tarixində bir mövsümdə 60-dan çox rəsmi oyun keçirən yalnız iki futbolçu var. İkinci oyunçu da eyni mövsümdə bu nailiyyətə imza atıb – Luka Modriç (63 oyun).
Valverde həm də "Real"ın bir mövsümdə ən çox meydanda olan futbolçusudur - 5557 dəqiqə. Əvvəlki rekord qapıçı Pako Buyoya məxsus idi - 1986/87 mövsümündə 5250 dəqiqə.
İdman.biz
