Sport24.az
"Növbəti mövsümün hazırlıqlarına start vermişik. Məşqlər plana uyğun davam edir. Toplanışın əsas mərhələsini Türkiyədə keçəcəyik". Bu sözləri Sport24.az-a açıqlamasında "Turan Tovuz"un futbolçusu Faiq Hacıyev deyib.
Gənc müdafiəçi komandasının növbəti mövsüm üçün hədəflərindən danışıb:
"Yeni mövsümə iddialı başlamağa çalışacayıq. Məqsədimiz üst pillələr uğrunda mübarizə aparmaqdır. Ötən mövsüm bir qədər diqqətli olsaydıq, indi biz də avrokuboklara hazırlaşırdıq. Bundan dərs çıxarmalıyıq. Yeni transferlərin komandaya uyğunlaşması üçün əlimizdən gələni edəcəyik. Çalışacağıq ki, yeni transferlərin gec qoşulması növbəti mövsüm hiss olunmasın".
Qeyd edək ki, "Turan Tovuz" ötən mövsümü 55 xalla 4-cü pillədə bitirib.
