Sport24.az
"Türkiyə toplanışı bizim üçün yaxşı keçdi. Bu baxımdan əlverişli şərait yaradılmışdı". Bu sözləri Sport24.az-a "Turan Tovuz"un futbolçusu Faiq Hacıyev deyib.
26 yaşlı müdafiəçi komandasının Türkiyə toplanışı haqda fikirlərini bölüşüb:
"Çempionat başlasın, bunun bəhrəsini görəcəyik. Düzdür, yoxlama oyunlarında qələbə qazana bilmədik, amma önəmli olan hər bir futbolçunun oyunlarda meydana çıxıb formaya düşməsidir".
Hacıyev komandanın məqsədi barədə də danışıb:
"Bu mövsüm hədəfimiz avrokuboklara vəsiqə qazanıb azarkeşlərimizi sevindirmək istəyirik. Komandanın heyətində bir çox dəyişiklik olub. Çalışacağıq yeni "futbol ili"ndə məqsədimizə çataq. Heyətə yeni qatılan futbolçuların tez uyğunlaşması üçün əlimizdən gələni edirik. Onlar da tam formaya düşəndən sonra bizim üçün daha yaxşı olacaq".
Qeyd edək ki, Türkiyə toplanışını başa vuran "Turan Tovuz" bu gün Vətənə dönəcək.
