Sport24.az
"Həftəboyu "Araz-Naxçıvan"la oyuna hazırlaşmışdıq. Meydanda istədiklərimizi yerinə yetirə bilsək də, hesabı qoruya bilmədik". Bu sözləri Sport24.az-a açıqlamasında"Turan Tovuz"un futbolçusu Faiq Hacıyev deyib.
Dünən keçirilən matçda qol vuran müdafiəçi "Araz-Naxçıvan"la görüş barədə fikirlərini bölüşüb:
"Qələbə qazanaraq xal fərqini azaldıb "Araz-Naxçıvan"a yaxınlaşmaq istəyirdik. Olmadı, amma dayana bilmərik. Qarşıda finala bərabər 5 oyun var. Qol vurduğum üçün sevincliyəm. Təəssüf ki, qələbə olmadı deyə, sevincimi ürəkdolusu yaşaya bilmədim. Oyundan oyuna artırıb, daha yaxşı Faiq olmağa çalışacam. Əlbəttə, baş məşqçinin olmamağı təsirsiz ötüşə bilməz. Hər şeyə hazır olmalıyıq. Digər məşqçilər əllərindən gələni edirlər ki, Kurban Berdıyevin yoxluğunu hiss etməyək".
Qeyd edək ki, "Turan Tovuz" 31 turdan sonra turnir cədvəlində 48 xalla 4-cü pillədədir.
