Sport24.az
"Çətin olacağını bilirdik. Həftə ərzində bütün diqqətimizi "Neftçi" ilə oyuna hazırlığa yönəltmişdik. Qırmızı vərəqədən sonra planlarımız dəyişdi, amma komanda olaraq xarakter göstərdik və məğlub olmadıq". Bu sözləri Sport24.az-a açıqlamasında "Turan tovuz"un futbolçusu Faiq Hacıyev deyib.
25 yaşlı müdafiəçi Misli Premyer Liqasının XXVI turunda "Neftçi" ilə bərabərə (1:1) qaldıqları oyunu ilə bağlı fikirlərini bölüşüb:
"Təbii ki, 11 nəfərlə oynamaq daha rahatdı. İndiki vəziyyətdə azlıqda qalmasaydıq yekun nəticənin necə olacağını deyə bilmərəm. Bəlkə də 11 nəfərlə olsaydıq, məğlub olardıq. Bir nəfər azlıqda olanda daha məsuliyyərli olursan".
O, son olaraq XXVII turda üz-üzə gələcəkləri "Sumqayıt"la görüşə də toxunub:
"Hər oyuna olduğu kimi "Sumqayıt"la qarşılaşmaya da qələbə qazanmaq üçün çıxacayıq. Rəqib son turda inamlı qalibiyyət əldə edib. Bizi ağır oyun gözləyir".
Qeyd edək ki, "Turan Tovuz" Premyer liqanın XXVII turu çərçivəsində martın 16-da öz meydanında "Sumqayıt"ı qəbul edəcək.
