Sport24.az
Tanınmış jurnalist və insayder Fabrizio Romano Braziliya Futbol Konfederasiyasının italiyalı mütəxəssisə yenidən milli komandaya rəhbərlik təklif etməsi ilə bağlı yayılan xəbərlər fonunda "Real"ın baş məşqçisi Karlo Ançelotti ilə bağlı vəziyyətə aydınlıq gətirib. Sport24.az xəbər verir ki, o, bu barədə X sosial şəbəkəsində paylaşım edib:
"Braziliya Futbol Konfederasiyası baş məşqçinin dəyişdirilməsi məsələsini ciddi şəkildə nəzərdən keçirir və indi Dorival Juniorun mövqeyi sual altındadır. İyul üçün əsas namizəd kimi Karlo Ançelottinin adı çəkilir. Ancaq Braziliyada yayılan xəbər kimi, hazırda danışıqlar aparılmır".
Bundan əvvəl məlum olmuşdu ki, Braziliya artıq Ançelotti ilə əlaqə saxlayıb və ona DÇ-2026-dan əvvəl "pentakampeonlar"a rəhbərlik etmək üçün şifahi təklif edib. Mütəxəssis özü də təklifi rədd etməyib.
