Idman.biz
Məşhur italiyalı mütəxəssis Fabio Kapello, "Barselona"nın gənc ulduzu Lamin Yamalın "Qızıl top" mükafatına namizədliyi ilə bağlı açıqlama verib.
İdman.biz "Defensa Central"a istinadən xəbər verir ki, o bildirb ki, "Qızıl top" mükafatı üçün Yamala səs verərdi.
Kapellonun sözlərinə görə, bu mükafata əvvəlcə Yamal, sonra Viniçus və Mbappe layiqdir: "Yamal yüksək səviyyəli futbolçudur və böyük inkişaf göstərə bilər, amma o, fenomen deyil".
Mütəxəssis bununla yanaşı, Lionel Messi, Kriştianu Ronaldu və Dieqo Maradona ilə bağlı da fikirlərini bölüşüb: "Messi və ya Maradona elə şeylər edirdilər ki, heç kim bunu təsəvvürünə belə gətirə bilməz. Mən statistikadan yox, keyfiyyətdən və dahilikdən danışıram. Kriştianu Ronalduya gəldikdə, deyə bilərəm ki, o, qorxulu, təhlükəli futbolçudur. Çox qol vurub, hətta hamıdan çox. Amma o, Messi və ya Maradona ilə eyni səviyyədə ola bilməz".
Qeyd edək ki, "Qızıl top"un təqdimat mərasimi sentyabrın 22-də Parisdə keçiriləcək.
İdman.biz
