Sport24.az
"Milan", "Roma" və "Yuventus"un keçmiş baş məşqçisi Fabio Kapello İtaliya futbolunun dəyişikliyə ehtiyac duyduğunu və A seriyasında yeni limit tətbiqinin qaçılmaz olduğunu bildirib. Təcrübəli mütəxəssis bununla bağlı "La Gazzetta dello Sport" nəşrinə açıqlama verib:
"Gənc oyunçuların yetişdirilməsinə yanaşmada dəyişiklik edilməlidir. Çünki son illərdə istedad çatışmazlığı narahatlıq doğurur. Ən acınaqcaqlısı odur ki, bu, bir nəsillə məhdudlaşmır".
Kapello İtaliya çempionatında gənclərə daim oynaması üçün limitin tətbiq olunmasının vacibliyini də xüsusi qeyd edib:
"Əsas komandada gənc futbolçulara daha çox oyun vaxtı vermək lazımdır. Məndən olsa, A Seriyasında bütün komandalara hər qarşılaşmada ən azı üç gənc italyanın xidmətindən istifadə etməyi məcbur edərdim".
