Sport24.az
UEFA Avropa Liqasının birinci təsnifat mərhələsində keçiriləcək "Zirə" – "Şerif" matçından əvvəl baş tutacaq mətbuat konfransı və media üçün açıq məşqlərin vaxtı açıqlanıb. Sport24.az xəbər verir ki, ilk olaraq iyulun 17-də, saat 17:30-da "Zirə"nin baş məşqçisi Rəşad Sadıqovun mətbuat konfransı baş tutacaq.
Bir saat sonra isə "Şerif"in çalışdırıcısı Yuri Qura mətbuat konfransında jurnalistlər önünə çıxacaq.
"Zirə"nin media üçün açıq məşqi saat 18:45-də "Qarabağ Arena"da, "Şerif"in məşqi isə 19:00-da "Dalğa Arena"da keçiriləcək.
Qeyd edək ki, hər iki mətbuat konfransı "Dalğa Arena"da baş tutacaq.
