Sport24.az
Yeni mövsümdə Əvəzedicilər liqasının olub-olmayacağı hələ də bəlli deyil. Söylənilənlərə görə, İcraiyyə Komitəsinin növbəti iclasında gündəmə çıxarılacaq məsələlərdən biri də bu olacaq. O da bəllidir ki, ikinci komandaların arasında çempionatın keçirilib-keçirilməməsi ilə bağlı klublara sorğu göndərilib. AFFA elita təmsilçislərinin bununla bağlı mövqeyini əvvəlcədən öyrənməyi lazım bilib.
Məsələ ilə bağlı Sport24.az-a bilgi daxil olub. Mənbəmizin sözlərinə əsasən, AFFA rəhbərliyi "ikincilər" üçün ayrıca liqa təşkil etmək fikrində deyil. Əvəzedici komandanın qalmasını istəyənlər üçün yeni variant təklif olunub. Onlar I Liqada müsabiqədən kənar iştirak edə bilərlər. Bunun nə dərəcədə real olub-olmadığı qarşıdakı günlərdə bilinəcək.
Qeyd edək ki, başa çatan mövsümdə Əvəzedici liqanın qalibi "Sabah" olub.
