Sport24.az
"Sabahkı görüşdə qələbə qazanmaq istəyirik". Sport24.az xəbər verir ki, bunu Estoniya millisinin futbolçusu Mattias Kayt Tallində Azərbaycan yığmasına qarşı keçirəcəkləri UEFA Millətlər Liqasının qrup mərhələsinin III turunun matçından əvvəl mətbuat konfransında deyib.
O, azarkeşlərin də bu oyunda qalibiyyətə kökləndiyini vurğulamaqla yanaşı, ötən il millimizə məğlub olduqları matçı da unutmadıqlarını söyləyib: "Qələbə İsveçlə növbəti görüşdə bizə yaxşı motovasiya verər. Həmin vaxt o qədər də yaxşı çıxış etməmişdik. Bunu dəyişib bu dəfə üç xal əldə etməliyik".
Qeyd edək ki, Estoniya - Azərbaycan qarşılaşması oktyabrın 11-də, Bakı vaxtı ilə saat 20:00-da "Lilleküla" stadionunda keçiriləcək.
