Sport24.az
"Estoniya" millisinin baş məşqçisi Yurgen Henn UEFA Millətlər Liqasının V turu çərçivəsində keçiriləcək Azərbaycan millisinə qarşı oyun haqda danışıb. Sport24.az soccernet.ee saytına istinadən xəbər verir ki, o səfər oyununda da qələbə üçün meydana çıxacaqlarını bildirib:
"Azərbaycanla oyun 3-cü yer üçün mübarizəyə görə daha vacib sayılacaq? Bizim üçün hər oyun həlledicidi. Hər oyuna elə hazırlaşırıq ki, sanki sonuncu oyunumuza çıxırıq. Azərbaycanla görüş üçün tam strategiyanı qurmamışıq. Bu, bizdə olan futbolçulardan da asılıdır. Ev oyununda göstərdik ki, müxtəlif vəziyyətlərə reaksiya verməyə hazırıq. Əlbəttə ki, Azərbaycanı keçmək istəyirik. Məşqçinin bir oyuna planları çətin olur, amma, məsələn, 75-ci dəqiqədə istədiyini oyunçulara çatdırmaq çətin olur. Biz futbolçulara müxtəlif variantlar təqdim etməyə çalışırıq ki, onlar oyunda mümkün olan hər bir vəziyyətə tam hazır olsunlar".
Qeyd edək ki, Azərbaycan - Estoniya matçı noyabrın 16-da Qəbələ Şəhər stasionunda keçiriləcək. Oyun saat 18:00-da başlayacaq.
