Lent.az
Braziliyada idmançı qadın nalayiq fotolarına görə mini-futbol komandasından qovulub.
Lent.az xarici mediaya istinadla bildirir ki, Rio-Qrande do Suldan olan 21 yaşlı futbolçu Marcela Soares part-time iş tapmaq qərarına gəlib və "ləyaqətsiz xarakterli internet saytında" qeydiyyatdan keçib.
Onun erotik fotoları yayımlamaq üçün hansı platformanı seçdiyi göstərilmir, lakin məlumdur ki, o, dörd həftə ərzində 55 min Braziliya realı (təxminən 16 min 539 manat)) qazanıb.
Soares deyib ki, klubun oyunlarda oynamaq haqqı 550 R$-a qədər olub və məşq üçün səyahət xərclərini çətinliklə ödəyib. Klub rəhbərliyi onun digər işini aşkar edəndə o, "klubu nüfuzdan saldığına görə" komandadakı yerini itirib.
"Mən sadəcə bədənimi göstərirəm, heç bir səhv etmirəm. Hətta başqa qadınlar tərəfindən də mühakimə olundum. Amma eyni zamanda, mən azadlıq və maliyyə müstəqilliyi əldə etdim. Bu gün özümü daha güclü hiss edirəm", - Soares deyib.
Keçmiş futbolçunun artıq İnstaqramda 240 min abunəçisi var. O etiraf edir ki, kifayət qədər maliyyə gəliri olmadığı üçün idmanı tərk edib və indi yüz dəfə çox qazanır.
