Idman.biz
"Mançester Siti"nin hücumçusu Erlinq Holand baş məşqçi Xosep Qvardiolanın iş etikası haqqında danışıb.
İdman.Biz-in məlumatına görə, norveçli hesab edir ki, Qvardiolanın gündəlik zəhməti onun uğurunun açarıdır.
"O, hər kəsdən daha çox çalışır, klubda ən çox çalışan şəxsdir. Məşqə ilk gələn və son gedən odur. Düşünürəm ki, onun uğuruna səbəb olan da budur: hər gün zəhmət, fədakarlıq, motivasiya, futbola intensiv yanaşma və onunla işləmək", - Holand "City_Xtra"nın X sosial media saytında verdiyi məlumata görə deyib.
İspaniyalı məşqçi 2016-cı ildən "Siti"yə rəhbərlik edir. Onun rəhbərliyi altında "şəhərlilər" artıq 18 titul qazanıb.
