Sport24.az
"Bəzi klublarla sıx işləyirəm. Dünən, "trasnfer pəncərəsi"nin son günündə "Neftçi"də brazilyalı vingerin işini bitirdim. Bu mənada "Neftçi"ni aktiv saymaq olar. Həmin mövqeyə 5-6 futbolçunu izləyirdilər. Sonda mənə qismət oldu Aleks Fernandesi gətirmək. "Neftçi" ilə yanaşı ən fəal komandalar autsayder qrupunda yerə alanlar idi. Çünki çempionatdan düşməmək uğrunda amansız mübarizə gedəcək. "Kəpəz"in transfer işlərinə yaxınam. Onlara futbolçu məsləhət gördüm, gəldi". Bu sözləri Sport24.az-a açıqlamasında Erkin İbrahimov qış "transfer pəncərəsi"ni dəyərləndirərkən deyib.
Tanınmış agent "Qarabağ"ı Juninyonun "Flamenqo"ya satmasından sonra hücum xəttinə transfer etməməsinə görə tənqid edənlərə cavab verib:
"Reqlamentə əsasən avrokuboklarda Juninyonu satandan sonra Halkı da transfer etsəydilər, oynada bilməyəcəkdilər. Qurban Qurbanov düz deyir ki, bu işlər 5 milyonla deyil. Uduzduqları komandaların büdcələri 100 milyonu aşır. Kütlə bazar kimi yanaşır. Adlı-sanlı, tarixi olan klublar "Qarabağ"ın nailiyyətini əldə edə bilmir. Bu barədə Ağdam klubunu tənqid edən futbol oynamış, jurnalistindən tutmuş və özünü mütəxəssis sayanları görəndə düşünürsən ki, Azərbaycan futbolu layiq olan yerdədir".
Nuh Tarverdiyev
