Sport24.az
"Hər futbolçunun karyerasında eniş olur. Bundan heç kim sığortalanmayıb. Ramil Şeydayev də son bir ildə oyun praktikasından əziyyət çəkir. O, millinin üzvüdü, maksimum çox şans qazanmalıdı ki, formada olsun". Bu sözləri Sport24.az-a açıqlamasında menecer Erkin İbrahimov deyib.
İbrahimovun fikrincə, Ramilin "Neftçi"yə dönüşü həm özünə, həm də "a-qaralar"a faydalı olacaq: "Adətən bizdə legioner həyatı yaşayan futbolçunun qısa vaxtdan sonra geri dönüşünü uğursuzluq kimi qələmə verirlər. Amma bu heç də həmişə geriyə addım deyil. Bugünkü reallıq odur ki, Ramil "Qarabağ"da yığdığı formasından uzaqdı. İndi o, yenidən formaya düşməlidi. Məncə, yığma üzvünün "ağ-qaralar"a qoşulması hər iki tərəfə faydalı olacaq. Roman Qriqorçuk da futbolçunu ağızdolusu təriflədi. "Neftçi"də yerli oyunçu problemi də var. Ramil həm yerli futbolçudu, həm də hücumdakı boşluğu aradan qaldıracaq.
Qeyd edək ki, "Kacelispor"dan ayrılan Şeydayev "Neftçi" ilə 3 illik müqavilə bağlayıb.
ABDULLA İSMAYILOĞLU
