Sport24.az
"Hər həftə Mahirin "Nürnberq"dən gedəcəyi ilə bağlı xəbərlər yayılırdı. Sonda ayrılıq rəsmiləşdi. Deməli, hər iki tərəf üçün xeyirlisi bu imiş". Bu sözləri Sport24.az-a açıqlamasında tanınmış agent Erkin İbarhimov bildirib.
İbrahimov Mahir Emrelinin II Bundesliqa təmsilçisi "Nürnberq"dən ayrılmasına münasibət bildirib:
"Klubun içində deyilsən deyə, bütün nüansları bilmək olmur. Hər-halda mövsüm bitməmiş bu qərar verilibsə, deməli, heç bir tərəf uduzmayacaq. Yəqin ki, Mahirin də müəyyən təklifləri var. "Nürnberq"də ona ya əvəzleyici axtarır, ya da tapıb. Əvəzolunmaz futbolçu yoxdur. Məncə, qərar hamını qane edibsə, bizi də etməlidir".
Qeyd edək ki, Mahir ötən ilin yayında Zaqreb "Dinamo"sundan "Nürnberq"ə keçib. O, çempionatda 22 oyunda 7 qol və 1 məhsuldar ötürmə ilə yadda qalıb. Həmyerlimiz daha öncə "Bakı", "Qarabağ", "Legiya" (Polşa), "Dinamo" (Zaqreb, Xorvatiya), "Konyaspor" (Türkiyə) komandalarının da şərəfini qoruyub.
