Sport24.az
"Almaniya bir çox məsələlərdə olduğu kimi futbol mentalitetində də digər ölkələrdən fərqlənir. Alman klubları transfer etməmişdən öncə hər şeyi dərindən analiz edirələr. Odur ki, "Nürnberq" Mahir Emrelini transfer edibsə, demək ki, onun üstün keyfiyyətlərini görüblər". Bu sözləri Sport24.az-a açıqlamasında menecer Erkin İbrahimov deyib.
Tanınmış futbol agenti millinin də şərəfiniq oruayn Emrelini 2-ci Bundesliqada uğur qazanacağına inanır: "Nürnberq"in sükanı arxasında əfsanəvi futbolçu olmuş Miroslav Kloze dayanır. Onun kimi mütəxəssis komandaya faydası dəyməyəcək futbolçunun transferinə razı olmazdı. Demək ki, Mahirin bir oyunçu kimi müsbət keyfiyyətlərini görüb və onu komandasına dəvət edib. Millimizin formasını geyinən futbolçunun belə mütəxəssisin rəhbərliyi altında güclü Almaniya çempionatında özünü yaxşı tərəfdən göstərəcəyinə inanıram. Düşünürəm ki, Mahir sərgiləyəcəyi oyunla diqqəti cəlb etsə, Almaniyada azərbaycanlı futbolçulara maraq da arta bilər. Odur ki, milli üzvümüzə uğurlar arzu edirəm".
Qeyd edək ki, Mahir həftəiçi "Nürnberq"lə "1+1" şərti ilə müqavilə imzalayıb.
ABDULLA İSMAYILOĞLU
