Sport24.az
Bu günlərdə "Mançester Siti" ilə müqavilə bağlayan özbəkistanlı Abdukodir Xusanov sən demə, öncə şəhərin digər təmsilçisi "Mançester Yunayted"in maraq dairəsinə düşüb. Sport24.az xəbər verir ki, bu barədə mətbuata açıqlamasında futbolçunun agenti Hayrat Hasbiullin deyib:
"Abdukodirlə Almaniya və İtaliya klubları da maraqlanırdı. 2023-cü ildə "Mançester Yunayted"in skautu Nikolas Çenalli Argentinada təşkil olunan U-20-lər arasında dünya çempionatında mənimlə əlaqə saxlayaraq, görüşmək istədiyini bildirdi. Onda mən də orda idim. O, müştərimin əsl"Mançester Yunayted"ə layiq futbolçu olduğunu söylədi. Artıq onda başa düşdüm ki, Abdukodir yaxın vaxtlarda top-klubların birinə keçəcək. Danışdıq və razılaşdıq. Ancaq həmin vaxt komandanın "sükanı arxasında" olan Erik ten Haq bu keçidə razılıq vermədi".
Qeyd edək ki, 20 yaşlı Xusanov bir müddət əvvəl 50 milyon avro qarşılığında Fransa "Lans"ından "Mançester Siti"yə transfer olunub.
