Idman.biz
"Neftçi"nin 5 ilə yaxın formasını geyinmiş Paraqvay millisinin sabiq üzvü Erik Fabian Ramos Sportal.az-a müsahibəsi
- "Neftçi" həmyerlin Luis Ortizlə müqavilə imzaladı. Bu transferi necə şərh edərdin?
- Paraqvaylı futbolçunun "Neftçi"də oynayacağını görmək xoşdur. Buna çox sevinirəm. Ümidvaram ki, hər şey çox yaxşı alınacaq. Ortizlə danışdım. Ona Azərbaycanın ən böyük klubuna getdiyini söylədim.
- Ümumiyyətlə, Paraqvayda bu transfer necə qarşılandı? Ortiz Paraqvay liqasının ulduzudur, yoxsa orta səviyyəli oyunçu sayılır? Onun güclü və zəif tərəfləri hansılardır?
- Sosial şəbəkələrdən gördüyüm qədərilə, Ortizin transferi haqqında çox danışılır. Çünki o, karyerasında irəliləyən, yaxşı turnirlər keçirən oyunçudur. Əvvəlcə "Sol De Amerika" da, sonra "Ameliano"da Luisin çox oyunlarını görmüşəm. Onun oyun tərzini həmişə bəyənmişəm. Bacarıqlı futbolçudur, birəbirdə yaxşıdır. Onun sol ayaqla güclü və dəqiq zərbələri var. Ən zəif tərəfi isə müdafiə planında ola bilər.
- Ortiz "Neftçi"nin yeni ulduzu ola biləcək? Onunla "Neftçi" haqda nə danışdın və hansı məsləhətlərini verdin?
- Düzü, özü ilə çox danışmamışam. Daha çox meneceri Tito Fruto ilə söhbətləşmişik. "Neftçi"nin yeni ulduzu olması üçün hər cür imkana sahibdir. Luis və məşqçiyə, "Neftçi"yə uğurlar arzulayıram. Onlar bu mövsüm çempion olmalıdırlar.
- Səndən sonra "Neftçi"də çıxış edən paraqvaylıların performansını necə dəyərləndirirsən? Səndən daha yaxşı performans göstərə oldu? Digərlərindən fərqli olaraq, "Neftçi"də həm uzun illər oynadın, həm də yaxşı oyununa görə daim diqqət mərkəzində idin....
- Sezar Mezza Kolli də "Neftçi"də yaxşı çıxış etdi. Bu da klub üçün vacib idi. Amma daha çox vacib məsələ Luisin ölkəyə tez bir zamanda adaptasiya olmasıdır. Bu baş verməlidir ki, klub stabil, rəqabətədavamlı olsun. Belədə, nəticələr müsbət ola bilər. Bütün bunlara "Neftçi"də sahib olduğum üçün bəxtim gətirib.
Futbolçunun adaptasiyası çox vacibdir. Azərbaycana gələndə ən böyük şansım o idi ki, komanda Flavinyo və Rodriqinyo kimi oyunçular var idi. Onlar mənim tez bir zamanda uyğunlaşmağıma kömək etdilər. Allah qoysa, Luis də komanda yoldaşlarının köməkliyi ilə adaptasiya dövrünü tez bir zamanda keçəcək.
- "Neftçi"də çıxış edən Ortiz Qustavo Alfaronun diqqətini çəkib Paraqvay millisinə dəvət alması realdır?
- Çox çətindir. Çünki hazırda Paraqvay millisinə çox güclü liqalardan oyunular dəvət edilir. Xulio Ensiso, Dieqo Qoms İngiltərə Premyer Liqasında oynayır. Argentina, Braziliya, İtaliya kimi güclü liqalardan da milliyə oyunçular dəvət olunur.
İdman.biz
