Sport24.az
"Çelsi"nin baş məşqçisi Enzo Mareska klublararası dünya çempionatının 1/8 finalında "Benfika" üzərində qazanılan qələbəni (4:1) şərh edib. Sport24.az "DAZN"a istinadən xəbər verir ki, italiyalı mütəxəssis komandasının çətin keçən görüşü haqda bunları deyib:
"Komandamla qürur duyuram. Görüş 85-ci dəqiqədə başa çatdı. Sonra oyun dayandırıldı və tamamilə yeni oyun başladı. Bir saatdan çox oturub gözlədiyiniz zaman bu asan deyil. Amma biz oynamağa davam etdik və düşünürəm ki, layiq olduğumuz mükafatı aldıq. Biz bu yarışda ilk səkkizlikdəyik və çox xoşbəxtik".
Qeyd edək ki, 85-ci dəqiqədə hakim stadionun ərazisində tufan səbəbindən oyunu yarımçıq dayandırıb və bu səbəbdən oyun iki saat sonra davam edib. "Çelsi" əlavə vaxtda vurduğu qollarla 4:1 qalib gəlib.
