Lent.az
"Çelsi"nin baş məşqçisi Enzo Mareska İtaliya futbolunun əsas probleminidən danışıb.
Lent.az xarici mediaya ustinadla bildirir ki, mütəxəssisin fikrincə, Çempionlar Liqasının finalı bu gün uğur qazanmaq şansının daha çox gənc komandalarda olduğunu əyani şəkildə nümayiş etdirib.
Mareska qeyd edib ki, İtaliya hələ də yaşlı və təcrübəli futbolçulara üstünlük verir və bu səbəbdən ölkə futbolu dünyadakı inkişaf tempindən geri qalır. Onun sözlərinə görə, gənclərə diqqət yetirmək tərəqqinin açarıdır.
"Çempionlar Liqasının finalı böyük texniki futbola qadir olan gənc komandanın üstünlüyünü göstərdi, həddindən artıq tempdə, enerjidə, pressinq və hücum istedadında ifadə edildi. Luis Enrike təsirli PSJ qurdu və mən də "Çelsi"də də bunu etməyə çalışıram.
Buna baxmayaraq, "İnter" üç il ərzində iki Çempionlar Liqasının finalını uğursuzluq deyil, nailiyyət kimi görməlidir. Simone İnzaqi öz işi ilə fəxr etməlidir, xüsusən də bu işi indi dünyanın qalan hissəsindən fərqli olan bir ekosistemdə etdiyi üçün.
Yalnız İtaliyada hələ də futbolçuların çox gənc olduğunu və oyunların təcrübə ilə qazanıldığını düşünürlər. Bu, istər-istəməz enerji baxımından itirəcəyiniz mənasını verən mədəni bir seçimdir. İtalyan futbolu digər yanaşmaların təklif etdiyi templə ayaqlaşmaqda çətinlik çəkir ", - o vurğulayıb.
