Sport24.az
Çempionlar Liqasının Liqa mərhələsinin IV turunun "Qarabağ" – "Çelsi" (İngiltərə) oyunundan (2:2) sonra qonaq komandanın baş məşqçisi Enzo Mareska jurnalistlərin suallarını cavablandırdı. Sport24.az xəbər verir ki, mütəxəssis əvvəlcə görüşlə bağlı fikirlərini bölüşdü
- Heyətdə dəyişiklikləriniz nə ilə bağlı idi?
- Düşünürəm ki, oyunçuları dəyişmək məcburiyyətində qalmışdıq. Düzgün başladıq, qol vurduq. Sonra iki qol buraxdıq. İkinci qolu vuranda meydanda 10 nəfər idilər. Heyətdə müəyyən dəyişikliklər etdik. Heyətimiz genişdir və istəyirik ki, hər bir futbolçu şans qazansın. Bəzi futbolçuların da istirahətə ehtiyacı var. Sıx təqvimdəyik və rotasiyalar etməyə məcburuq.
- Dəyişikliklərlə nə əldə etməyə çalışırdınız?
- Qələbə qazanmaq istəyirdik. Qollara reaksiya verə bildik. İkinci hissədə daha yaxşı oynadıq. Hər oyun bütün futbolçuların oynaması üçün şansdır.
- "Qarabağ" gözlədiyiniz kimi idimi?
- Əvvəl də demişdim, "Qarabağ" çox gözəl oynayır. Möhtəşəm işlər görürlər. "Qarabağ"a qarşı oynamaq çətin idi.
- Buraxılan qollar, səhvlər heyətin təcrübəsizliyi ilə bağlı idi?
- Axmaq qollar buraxdıq. Ehtiyatlı olmalı idik. Həddindən artıq diqqət lazım idi.
- Oyuna yeni başlasaydınız, eyni "11-lik" olardı?
- Hər oyuna qələbə üçün çıxırıq. İkinci hissədə bəzi dəyişikliklər etdik. Bəzi futbolçular yavaş-yavaş təkmilləşirlər.
- Matçdan əvvəl hesabın 2:2 olacağını desələr, inanardınızmı?
- Əlbəttə. Belə olmasını istəməzdik. Bir xal qazandıq. Bundan sonrakı oyunlar üçün bərpa olunmalıyıq. Çempionlar Liqasında hər şey mümkündür.
- "Qarabağ" azarkeşləri üçün nə deyə bilərsiniz?
- Atmosfer mükəmməl idi.
- Premyer Liqada da topa sahib olduğunuzda kasad futbol oynayırsız. Bunu necə həll etmək istəyirsiniz?
- "Çelsi"də topa sahib olmada problem yoxdur. "Qarabağ" çox yaxşı pressinq etdi.
