Idman.biz
İngiltərənin "Çelsi" komandasının yarımmüdafiəçisi Enzo Fernandes baş məşqçi vəzifəsindən uzaqlaşdırılan Enzo Mareskaya müraciət edib.
İdman.Biz xəbər verir ki, yanvarın 1-də "Çelsi"dən göndərilən Enzo Mareskaya Enzo Fernandes sosial şəbəkə hesabında təşəkkür mesajı ünvanlayıb.
Futbolçu yazıb ki, bu müddət ərzində paylaşdıqları hər şey üçün ona minnətdardır, ondan çox şey öyrənib və verdiyi hər məsləhəti yüksək qiymətləndirir. O, Mareskaya və onun məşqçi heyətinə ən xoş arzularını çatdırıb, birlikdə qazandıqları iki titulu heç vaxt unutmayacağını bildirib və gələcəkdə yollarının yenidən kəsişəcəyinə ümid etdiyini vurğulayıb.
Qeyd edək ki, İngiltərə Premyer Liqasının bu mövsümündə "Çelsi" 19 oyundan sonra 30 xal toplayaraq turnir cədvəlində beşinci pillədə qərarlaşıb və lider "Arsenal"dan 15 xal geri qalır.
