Idman.biz
PSJ-nin baş məşqçisi Luis Enrike Fransa Liqa 1-in qarşıdan gələn 11-ci tur oyunu barədə danışıb.
İdman.Biz bildirir ki, oyunda onun komandası "Park de Prens" stadionunda son iki oyunda Paris klubunu məğlub edən (keçən mövsüm 3-1 və 2023/2024 mövsümündə 3-2) "Nitsa" ilə qarşılaşacaq.
"Əlbəttə ki, bu, motivasiyadır. Bizim üçün bu, normal deyil. Evdə bu cür nəticəyə öyrəşməmişik və bu, sabah bizi mütləq ruhlandıracaq. Lakin bu, çox çətin olacaq. "Nitsa" hazırda müsbət dalğadadır; onlar dinamikasını dəyişiblər. Başqa heç bir komandada belə statistika yoxdur", - deyə klubun rəsmi saytında Enrike bildirib.
Fransa liqasında oynanılan 10 oyundan sonra PSJ 21 xalla turnir cədvəlinə başçılıq edir. "Nitsa" 17 xalla səkkizinci yerdədir.
