Idman.biz
"Liverpul"un müdafiəçisi Endryu Robertson İngiltərə klubundakı gələcəyi barədə danışıb.
İdman.Biz xəbər verir ki, şotlandiyalının klubla müqaviləsi 2026-cı ilin yayında başa çatır.
"Nə olacağını görəcəyik. Artıq danışıqlar aparmışıq, bu danışıqlar məxfi qalacaq. Mən (klubla) danışmışam və bundan sonra nə olacağını görəcəyik.
Klubda qalmaq istərdim, amma bu, çətin sualdır. Beş ayım qalıb və qalmaq və ya getmək seçimini nəzərdən keçirməliyik və sair. Ailəmlə oturub qərar verəcəyəm.
Gərgin bir yaydan sonra sadəcə komandanın bir hissəsi və "Liverpul" oyunçusu olmaqdan zövq almağa çalışıram. Dünya çempionatına vəsiqə qazanmaq istəyirdim və xoşbəxtlikdən buna nail olduq. Ailəmin və gələcək üçün nə istədiyimə baxmalıyam", - deyə ESPN Robertsondan sitat gətirir.
Robertson 2017-ci ilin yayından bəri "Liverpul"da oynayır. Bu müddət ərzində müdafiəçi bütün yarışlarda 362 oyunda iştirak edib, 12 qol vurub və 68 məhsuldar ötürmə edib. Transfermarkt portalındakı məlumata görə, onun bazar dəyəri 12 milyon avrodur.
