Report.az
"Real Madrid"in hücumçusu Endrik zədəli olmasaydı, keçən ay icarə əsasında "Real Sosyedad"a keçə bilərdi.
"Report" xəbər verir ki, bu barədə İspaniyanın məşhur "Football Espana" internet nəşri məlumat yayıb.
Xatırladaq ki, braziliyalı ilk zədəsini mayın 18-də La Liqanın 37-ci turunun "Sevilya" ilə oyununda (2:0) alıb və bu səbəbdən klublararası dünya çempionatında oynamayıb.
"Real Madrid"in yeni mövsümdə ilk oyunu avqustun 19-na planlaşdırılıb. La Liqanın 2025/2026 mövsümünün ilk turu çərçivəsində Madrid təmsilçisi "Osasuna" ilə qarşılaşacaq. Endrik 2024-cü ildən "Real"da çıxış edir, son mövsümdə komandada 37 oyun keçirib, 7 qol vurub və bir məhsuldar ötürmə edib.
