Sport24.az
"Real"ın hücumçusu Endrik Madrid klubunu tərk edəcəyi ilə bağlı yayılan xəbərlərə cavab verib. Sport24.az xəbər verir ki, bu barədə insayder Fabrizio Romano sosial şəbəkə hesabında məlumat paylaşıb.
18 yaşlı braziliyalı "Kral klubu"nu tərk etmək fikrində olmadığını bildirib:
"Real"ın oyunçusu olmaq xoşuma gəlir. Mən bu klubu sevirəm. Öyrənmək, inkişaf etmək və "Real" üçün mümkün olan hər şeyi etmək naminə buradayam".
Qeyd edək ki, Endrik ötən yay "Palmeyras"dan "Real" transfer olunub. O, bu mövsüm ümumilikdə 28 matçda iştirak edib və bu oyunlarda 6 qol vurub.
