Report.az
"Real Madrid"in hücumçusu Endrik komandanı tərk edə bilər.
"Report" xəbər verir ki, bu barədə "Defensa Central" yazır.
Bildirilir ki, 19 yaşlı braziliyalı bir neçə Avropa klubunun maraq dairəsindədir, lakin Madrid təmsilçisi oyunçunu satmağı planlaşdırmır. "Kral klubu" yalnız futbolçunun lazımi oyun təcrübəsi qazanması və optimal formanı yığması üçün 12 aylıq icarəyə verməyi düşünür.
"Sambaçı"ya maraq göstərən klublar arasında "Marsel", İspaniya və Almaniyadan bir neçə komanda var, lakin oyunçu ilə ən aktiv şəkildə "Yuventus" maraqlanır. "Turin klubu may ayından etibarən maraq göstərir. O, yeni layihənin bir hissəsi kimi nəzərdən keçirilir", - nəşr yazır.
Endrik 2024-cü ildən "Real"da çıxış edir. Ötən mövsümdə o, 37 oyun keçirib, 7 qol vurub və 1 məhsuldar ötürmə edib.
