Idman.biz
Futbol tarixinin ən məhsuldar əlavə vaxtları açıqlanıb.
İdman.biz xəbər verir ki, siyahıda 30 dəqiqədə ən azı 5 qolun vurulduğu 16 matç yer alıb.
İFFHS-in tərtib etdiyi cədvələ Almaniya kubokunun görüşü başçılıq edir. "Viktoriya Köln" və "Usinqen" arasında qarşılaşmanın 90 dəqiqəsi 0:0 hesabı ilə bitib. 1974-cü il oktyabrın 26-dakı matçı izləyənlər əlavə vaxtda 7 qol görüblər. Köln təmsilçisi əlavə vaxtda 6:1 hesablı qələbə qazanıb.
Tarixdə 7 dəfə bir oyunun əlavə vaxtında 6 qol vurulub. 8 dəfə isə 5 qol qeydə alınıb.
Qeyd edək ki, siyahıya düşən son görüş "Mançester Yunayted"lə "Lion"un Avropa Liqasındakı duelidir. Əsas vaxtı 2:2 hesabı ilə bitən görüşdə İngiltərə klubu qalib gəlib – 5:4.
İdman.biz
