Sport24.az
"Həm "Qarabağ"ın səfərdə 7:2 hesablı zəfərini, həm də "Zirə"nin Mərdəkandakı əzmkar qələbəsini stadiondan canlı izlədim. Sofiyada "süvarilər"in yazdığı tarixin oxşarını Rəşad Sadıqovun komandası Bakıda yazdı". Bu sözləri Sport24.az-a açıqlamasında "Qarabağ"ın direktoru Emrah Çelikel bildirib.
Təcrübəli funksioner "Qarabağla yanaşı, "Zirə"nin də avrokuboklarda yoluna davam etməsinə sevindiyini bildirib, klub rəhbərliyinə və komandaya uğurlar arzulayıb: "Çoxları gözləmədiyi halda qəsəbə təmsilçisi Konfrans Liqsında yaxşı mübarizə aparır. Rəşad qardaşımızdı, bizə əziz biridi. Necə deyərlər, evimizdən çıxıb. O, illərdi "Zirə"dədi və çəkdiyi əziyyətin bəhrəsini görməkdədi. Həqiqətən də Sadıqov yaxşı, döyüşkən komanda formalaşdırıb. Təbii ki, burda klub rəhbırliyinin də əziyyətini danmaq olmaz. Düşünürəm ki, "Zirə" pley-offda da əzmlarlıq sərgiləyəcək və "Omoniya" səddini keçəcək. Rəşad müəllimə və komandasına qarşıdakı oyunlarda uğurlar arzu edirəm".
Qeyd edək ki, "Omoniya" – "Zirə" oyunu avqustun 22-də keçiriləcək.
