Sport24.az
"Bu qələbə bizim üçün çox önəmli idi. Çünki turnir cədvəlində lider kimi artıq daha rahatıq". Bu sözləri Sport24.az-a açıqlamasında "Qarabağ"ın futbolçusu Emmauel Addai deyib.
Hücumçu Misli Premyer Liqasının XI turunda "Neftçi"yə iki cavabsız qolla qalib gəldikləri matçla bağlı fikirlərini bölüşüb:
"Qələbə çox gözəl hissdir. Tribunalarda da çox yaxşı atmosfer var idi. Azarkeşlər həqiqətən möhtəşəm idi. Demək olar ki, boş yer yox idi. Bu mənim də çox xoşuma gəldi. Qalib gəldiyimiz üçün isə daha çox sevinirəm".
Qeyd edək ki, Premyer Liqada növbəti tur noyabrın 21-də start götürəcək.
